На патот Градско – Прилеп, вчера, се случија две сообраќајни несреќи!
Објавено: 13 март, 2013, во 08:38 часот
Нисан со кавадаречка регистрација излета од патот Градско – Прилеп, кај селото Раец.
Возилото излетало и се превртело на покривот.
Нема жртви а возачот како и останатите двајца патници се здобиле со полесни телесни повреди.
На истиот патен правец триесет минути подоцна се случи и втората сообраќајка, во близина на селото Фариш.
Таму од патот излета автомобил марка Ауди 4 со битолски регистерски таблички.
И во оваа сообраќајка нема жртви а едно лице се здобило со полесни телесни повреди. Немало оштетување ниту на возилото, вели портпаролот на СВР Велес Ненко Александров.
Полицијата направила увид и ќе ги утврдува причините за несреќите./А.Д
