Облачно со дожд и сообраќај по влажни коловози!
Објавено на 20 ноември, 2012 во 08:40
Времето во Македонија во вторник ќе биде облачно со повремени врнежи од дожд, пообилни во југоисточните делови.
Ќе дува слаб до умерен ветер претежно од источен правец. Температурата ќе се движи од 7 до 13 степени. Во Скопје температура до 12 степени.
Од АМСМ соопштија дека сообраќајот на сите магистрални и регионални патни правци низ државата се одвива без забрани, по наместа влажни коловози. Возачите да возат внимателно особено на патните правци на кои се можни одрони. Задолжително во возилата да се носи и зимска опрема бидејќи од 15 ноември започна законската обврската која важи до 15 март, наредната година.
