Внимателно возете, коловозите се влажни!

Препораката на АМСМ се однесува за петок кога на скоро сите патни правци во државата се забележани влажни и местимично влажни коловози. Сообраќајот на сите магистрални и регионални патни правци низ државата се одвива без забрани.  Влажни коловози има и на повисоките планински и осојничави места, како и низ клисурите.

Од АМСМ препорачуваат поголема внимателност со управувањето на возилата на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони. Препораката се однесува и на маистралниот пат М-1 делница Катланово – Велес, кој се реконструира. Има поставено соодветна сообраќајна сигнализација на патот што треба да се почитува.

На делниците низ клисурите и на повеќето мостови долж речните текови, во државата, има појава на утринска магла за што е потребно да се прилагоди брзина на движење на возилата