Активно портокалово ниво на опасност, температура до 41 степен
Објавено на 29 јули, 2021 во 09:17
Денеска ќе биде сончево и многу топло со мала до умерена локална облачност. Ќе дува слаб до умерен ветер претежно од северозападен правец. Минималната температура ќе биде во интервал од 14 до 23 а максималната од 34 до 41 степен. УВ идексот ќе изесува 9.
Според УХМР и во наредните денови ќе продолжи периодот на многу топло време со натпросечни температури за овој период од годината.
Ќе биде активно портокаловото ниво на опасност од високи температури.
Наместа вдолж Повардарието температурата ќе го надминува 40-тиот степен.
Во понеделник ќе дува засилен претежно северен ветер кој ќе предизвика благо опаѓање на температурите повеќе во северните делови од земјата.
