Почина 39 годишна позитивна и не вакцинирана жена во велешка болница
Објавено на 28 август, 2021 во 16:28
Починатата жена на 39 годишна возраст е од село Горно Јаболчиште. Таа на Инфективното одделение во ЈЗУ „Општа болница“ Велес била примена пред четири дена како позитивна на Ковид-19 и не вакцинирана.
Во болницата денеска вкупно се хоспитализирани 42 пациенти, од кои 40 се потврдено позитивни и 2 пациенти се со негативен тест но задржани на болничко лекување. Од нив 40 се лекуваат на Инфективно одделение и двајца на Интерно одделение.
Од вкупниот број 16 се на кислородна поддршка.
Денеска од болничко лекување испишани се тројца пациенти, како оздравени, со по еден негативен тест.
Убавка Јаневска
