Германија воведува строги казни, кој ќе фалсификува ковид-потврда може да добие пет години затвор

Според плановите на новата германска Влада, на фалсификаторите на тестови за корона, потврда за прележан ковид или вакцинација им се заканува затворска казна до пет години. Ова го предвидуваат идните регулативи за короната, за кои денес ќе се одлучува во Бундестагот.

Производството, како и свесното користење на фалсификувани докази треба да бидат казниви.
Во особено тешки случаи на „неовластено издавање на здравствени уверенија“, доколку „сторителот дејствува на комерцијална основа или како член на банда“, казната затвор треба да биде од три месеци до пет години.

Досега е криминализирано само поднесувањето или користењето фалсификувани „здравствени потврди“ до „властите или осигурителните компании“.

Казниво е и ако фалсификат се покаже на работа или на друго место приватно.