Претпладне сончево, попладне облачно со наместа локален дожд

Денеска во Македонија ќе преовладува сончево време со мала до умерена облачност и со слаб до умерен, повремено засилен ветер од јужен правец. До крајот на денот ќе биде значително облачно. Минималната температура ќе се движи во интервал од 0 до 8 степени, а дневната од 16 до 24 степени.

Во Скопје сончево време со мала до умерена облачност и со слаб до умерен јужен ветер. Утринската температура ќе виде до 5 степени, а дневната ќе се искачи до 22 степени.

Викендов ќе преовладува облачно време, попладне со врнежи од дожд. Наместа врнежите ќе бидат поројни и обилни (над 35 л/м2), особено од сабота кон крајот на денот до недела претпладне. Во сабота ќе дува засилен, повремено силен ветер (над 65 км/час) од југоисточен правец. Дневната температура до недела насекаде ќе опадне за околу 10 степени.