Повторно гужва на границите, се чека до 30 минути
Објавено на 28 јули, 2023 во 09:24
На граничните премини „Богородица“ и „Табановце“ забележана е зголемена фреквенција на возила. Од АМСМ информираат дека за излез од државата на овие гранични премини се чека околу 30 минути, додека на останатите гранични премини од македонска страна, нема поголеми задржувања за влез и излез од државата.
Сообраќајот на државните патишта се одвива непречено, по суви коловози.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Дума.мк
