Издумани Крлевизми: „И вештачката интелигенција е самобендисана. За себе кажува сѐ најубаво“

Дождливиот ден нека ви биде повод за насмевка! Ви ги претставуваме најновите 10 Издумани Крлевизми – свежи и духовити мисли од велешкиот афористичар Атанас Крлевски. Познат по својата способност да ја погоди суштината со една реченица, Крлевски ни нуди саркастичен, но реален поглед кон секојдневието, политиката, општеството и човековата природа. Уживајте:

-Примам терапија за паметење. Кога не заборавам.

-Во сивито му ги пишува двете дипломи, ама го испуштил зборот– купени.

-И вештачката интелигенција е самобендисана. За себе кажува сѐ најубаво.

-Поголема мотика – помала плата!

-И јас понекогаш сум прв. На семафор.

-Се оженив за првата. Брзо ми се појави желба за втора.

-Крупните ѕверки не успиваат со најубави бајки.

-Во љубовниот триаголник на еден агол краците му се рогови.

-Нашето селско училиште е чудо. Има еден ученик, а пет наставници.

-Нула од човек, а има конто со многу нули.

Афористичар Атанас Крлевски

Дума.мк