Издумани Крлевизми: „Патентирав смарт говорница, глупостите ги претвара во афоризми“

Најновите 10 Издумани Крлевизми на афористичарот и сатиричар Атанас Крлевски гласат:

„Глупостите се размножуваат со проста делба.“

„Од сите јазици, најтежок за учење е молчењето.“

„Го покажа вистинското лице. Го свитка р`бетот!“

„Патентирав смарт говорница. Глупостите ги претвара во афоризми.“

„Едни со умот, а други со јазикот. До главата е!“

“Животните не се смеат, ама не се и плачковци.“

„Од сите средини најмногу ја сакам средината на полниот сендвич!“

„Внимателно со слаткоречивите. Да не ви згорчат.“

„За мене жена ми е кралица. Има нешто кралско во мене!“

“На 8-ми Март на жена ми не ѝ подарувам ништо. Еден ден во годината нека биде без моето внимание!“

Вашиот, Атанас Крлевски