Издумани Крлевизми: „Со брз јазик лесно се излетува од патеката“

Десет афоризми на афористичарот и сатиричар Атанас Крлевски напишани за заедницата на читатели на Дума.мк за денешниот ден гласат:

„За срамови! Никој од ништо не се срами.“

„Мојата животна девиза: богата жена!“

„И за шахистот е опасно многу да мисли. Ќе му падне знаменцето!“

„Со брз јазик лесно се излетува од патеката.“

„Ја обожувам мотиката. Секогаш влече кон себе!“

„Во предните редови има најмногу задни намери.“

„Главата ја употребувам само кога климам.“

„Сакам многу да ја сакам, ама јас ништо не правам претерано!“

„Ме сака… за сите пари!“

„Да бидеш човек од народот, треба да си човек. Да бидеш човек, треба да си човек од народот.“

Вашиот, Атанас Крлевски