Бране Паласков нов началник на Сектор за внатрешни работи Велес
Објавено на 9 февруари, 2024 во 10:31
Триесет и седум годишниот Бране Паласков е нов началник на Сектор за внатрешни работи Велес. Паласков доаѓа од позиција Виш инспектор – главен дежурен во центар за известување и командување при СВР Велес. Тој за нов началник е назначен вчера, на 8 февруари, со решение на министерот за внатрешни работи Панче Тошковски.
Инаку, Паласков е дипломиран економист и во своето десет годишно работно искуство како полициски службеник, има работено како помлад инсектор во отсекот за општ криминал во СВР Велес, Виш инспектор во надворешна канцеларија за криминалистички работи во Свети Николе и Виш инспектор – главен дежурен во центар за известување и командување при СВР Велес.
Стефани Манева