Во Демир Капија заврши бербата на винското грозје
Објавено: 7 октомври, 2013, во 12:33 часот
Лозарите од Демир Капија можат да здивнат. Завршија со бербата на винското грозје, бидејќи поради поволните врменски услови започнаа порано за разлика од минатите години.
Годинава се задоволни од родот и од квалитетот, но и од организираниот откуп на винарските визби. Откупени се над четири милиони килограми од повеќе вински сорти. Најголеми количества за винарските визби од Штип и од Гевгелија откупија претпријатијата Агро Капија од Демир Капија и Пилана Петар од Корешница. Исплатата на висококвалитетните сорти на винско грозје е завршена, а останатите вински сорти, кои се и најзастапени, допрва ќе се исплаќаат.
Површините со трпезно грозје во демиркапијско, за разлика од површините со винско грозје постојано се зголемуваат. Лозарите велат дека тоа е резултат на подобрите состјби со трепезното грозје кое се одгледува во моментов на површина од 60 хектари. За неколку дена се очекува да заврши и бербата на десертното грозје.