Голем број дечиња го одбележаа денот на шегата во Велес (фото и видео)
Младинскиот парк во Велес, денеска, по повод први април, денот на шегата, беше исполнет со голем број дечиња од велешките училишта и детската градинка. Во гужвата можеа да се забележат снежана, спајдермен, потоа бубамари и пеперутки, кловнови, разни овошја како грозје, по некоја страшна маска па дури и мистер Бин.
Тие сите заедно облечени во своите омилени маски и костуми од цртани филмови, продефилираа низ паркот, играа, пееа, добиваа награди, се забавуваа и громогласно извикуваа „Априлилилииии“!
Исто така, со свои точки настапија и Фанинејшн Ентертејмнт.
Организатор на годинешната априлијада е Општина Велес.
Драги дечиња, секој ден исполнувајте го со многу игра и немој никако да заборавите утре цел ден да се шегувате и смеете!
Стефани Манева
фото:
Поврзано:
