Жители на Градско ограбиле сиријски државјани
Објавено: 18 септември, 2014, во 09:16 часот
Четири лица од Градско заработија кривична пријава поради сомневање дека сториле кривични дела „противправно лишување од слобода“ и „разбојништво“.
Портпаролот на СВР Велес, Анита Стојковска информира дека лицата Б.Е. (33), И.У.(34) , Б.М. (34) и Ф.Е. (28) сите од Градско, во текот на вчерашниот ден биле изведени и пред суд и им била изречена мерка притвор од 30 дена и лицата биле спроведени во истражниот затвор Скопје.
Пријавените на 16 овој месец околу 01 часот во близина на железничката пруга, пресретнале четири сириски државјани и заканувајќи им се со земјоделски алати (срп, коса и вила) насилно ги внеле во куќата на првопријавениот каде ги задржале околу еден час, им одзеле 325 евра, 700 денари и три мобилни телефони, по што ги избркале од куќата./ А.Д