Дождот дополнително му наштетува на преполовениот род на грозје

Обилниот дожд кој изминатата недела врнеше во Тиквешијата направи дополнителни проблеми во лозарството. Родот на грозје кој годинава беше преполовен поради штетите од болести и од град,  има дополнителни штети од дождот.

Лозарите допрва ќе ги сумираат но првично се разочарани, бидејќи некои од нив ќе неможат да скинат ниту еден квалитетен грозд.

Потфрлување има кај квалитетот и на трпезните и на винските сорти.  Експертите ценат дека годинава производителите се соочија со екстремни временски појави поради што и штетите беа неизбежни.

„Дополнителната влага од дождот ја намалува шеќерноста на грозјето но е причина и за гниење на гроздовите. Почната е појава на пукање на зрната“, објаснува проф д-р Ристо Вучков.

Лозарите покрај тоа што не се задоволни од понудената откупна цена на грозјето дополнително ги револтира и одредената грaница за шеќерни единици. Сметаат дека визбите треба да го намалат прагот на шеќерност,  како основен услов за откуп на грозјето, бидејќи тешко годинава да се постигнат бараните 19  и повеќе шеќерни единци./A.Д