Полицијата фати продавач на марихуана додека ја продавал

Во  рутиснка контрола на кавадаречката полиција фатен е  продавач на дрога од Кавадарци. Полицијата го затекнала во моментот додека му ја продавал дрогата на нарко зависник.

По извршениот претрес,   кај  продавачот  е  пронајдена  марихуана во количина од 20 грама , а ова лице и лицето купувач се приведени и задржани во кавадаречката полиција на распит.

Од Полицијата потврдуваат, но не ги откриваат иницијалите на продавачот и купувачот, бидејќи случајот сеуште е во истрага. Дознаваме дека  бил извршен  претрес  во возилата и домовите на двајцата.

Портпаролот на СВР Велес, Анита Стојковска рече дека против двете лица ќе бидат поднесени соодветни пријави. Од кавадаречката полиција пак,  нагласуваат дека ќе се интензивираат рутинските контроли и активно ќе се работи на откривањето на продажба на наркотични дроги. /А.Д