Во пожар изгоре магацин на неготинската фабрика „Копер“
Објавено: 16 декември, 2014, во 09:58 часот
Пожарот се појавил синоќа, околу 21.00 часот, во магацинскиот простор за готов производ на фабриката „Копер“ во неготинското село Криволак. Огнот изгоре голем број дрвени палети и покривната конструкција на халата како и разни предмети внатре во халата.
Час и половина огнот го гаселе пожарникарите од Неготино и вработени од фабриката. Пожарот бил локализиран во 22,30 часот .
Материјалната штета дополнително ќе се утврдува. Во текот на денешниов ден ќе се превземат мерки за утврдување на причините и целосно расветлување на настанот, информираа од СВР Велес /Д.С.