Рекордни 52 новозаразени со Ковид – 19 во Тиквешијата

11.11.2020

Не запира трендот на раст на ковид позитивни случаи во Тиквешијата. Денес до 14 часот се регистрирани рекордни 52 новозаразени лица, информираат од Центарот за јавно здравје – Кавадарци. Тие додаваат дека ова не е конечниот дневен биланс, затоа што резултати од земени брисеви сеуште се обработуваат.

Во Кавадарци има 25 нови случаи, во Неготино 23, а по двајца нови ковид позитивни има во Росоман и Демир Капија.

„Новите позитивни се на возраст од 17 до 72 години. Има еден хоспитализиран пациент од Кавадарци и тројца од Неготино“ – информира епидемиолог, д-р Ристе Јовановски.

Се работи на утврдување на контактите на новите позитивни.

Заклучно со вчера во Кавадарци активни се 339 ковид случаи, а од почетокот на пандемијата се дијагностицирани 752 позитивни. Во Неготино активни се 166 случаи, а дијагностицирани вкупно 261.

 Мите Јаначков