Пеколните температури ги зголемија интервенциите на Итна медицинка помош во Велес

Временските промени, наглите жештини во почетокот на месец јуни значително го зголемиле бројот на повици во Итна помош во ЈЗУ Здравствен дом Велес. Во текот на претходната недела од 1 јуни, среда, до 6 јуни, недела, имало вкупно 90 повици за преглед од кои 27 во текот на денот и 63 во вечерните часови.  Бројот на повици особено бил зголемен за време на викендот кога преку ден биле извршени 97 прегледи и во текот на ноќта 53.

–  Изминатата недела на терен од страна на лекар имаше 40 домашни посети преку ден и 39 посети во текот на ноќта. Исто така, беа направени и  50 посети во домашни услови од страна на сестра за аплицирање на терапија и преврски, соопшти д-р Василка Пановска Поп – Стефанова, началничка на Итна помош.

Оттаму велат дека повиците најчесто се за колапси, покачен крвен притисок кај пациентите, мозочни удари и сообраќајни незгоди.

Лекарите советуваат граѓаните да пијат повеќе течности и во текот на денот особено во попладневните часови да не испаѓаат од своите домови.

Стефани Манева