Поплавени четири дуќани во Велес, интервенирале пожарникарите

Регионалниот центар за управување со кризи Велес соопшти дека вчера, од 07:45 до 08:50 часот, велешките пожарникари интервенирале при испумпување на вода од поплавени дуќани.

Од Територијалната противпожарна единица Велес соопштија дека дуќаните се наоѓаат на улица Благој Ѓорев и тројца пожарникари со едно теренско возило со приколка и со две пумпи излегле на лице место.

-По пристигнување на местото констатиравме дека се поплавени вкупно четири дуќани и од истите водата е исцрпена со помош на пумпа, додаваат од ТППЕ Велес.

Оттаму апелираат до граѓаните доколку забележат пожар да се јават на бесплатните телефонски броеви 112 и 193.

Дума.мк