Пред Нова Година, велешките средношколци се едуцираа за опасноста и последиците од употреба на петарди
![](https://duma.mk/wp-content/uploads/2023/12/11394-1024x768.jpg)
Полициски службеници од Отсекот за превенција при Сектор за внатрешни работи Велес, вчера, во содејство со медицински лица одржаа едукативни предавата на тема „Петарди НЕ- Безбедност пред СЀ ” во трите средни училишта во Велес.
Поточно, учениците од средните општински училишта „Димитрија Чуповски“, „Гимназија – Кочо Рацин“ и „Коле Неделковски“ преку подготвена презентаија учеа за опасностите и последиците од незаконската употреба на петарди и други пиротехнички средства.
![](https://duma.mk/wp-content/uploads/2023/12/21366-1024x768.jpg)
-На сите ученици воедно им беше укажано дека сите пиротехнички средства се опасни бидејќи содржат експлозив и можат да предизвикаат тешки и трајни повреди и последици по здравјето, а истовремено им беа и предочени и законските казнени мерки со кои може да се соочат со недозволено поседување и испалување на пиротехнички средства и петарди, соопштија од Министерство за внатрешни работи.
Овие едукативни предавања СВР Велес ги реализира во рамките на кампањата на МВР со Универзитетска клиника за пластична и реконструктивна хирургија при КЦ „Мајка Тереза“ од Скопје.
Дума.мк
![](https://duma.mk/wp-content/uploads/2021/05/SEMM.jpg)