По четири часовен прекин, пуштен е сообраќајот на автопатот Скопје – Велес!

Делумно е отстранет одронот од карпи на автопатот Скопје – Велес.

Оспособена е една коловозна лента на патот по која сообраќајот почна да функционира вечерва, во 21 часот.

Возачите ноќва треба внимателно да возат, велат од ЈП „Македонија пат“.

Механизацијата на подружниците Петровец и Велес ќе остане на патот.

Утре ќе продолжи расчистувањето на автопатската делница.

Карпите на патот се одронија околу 15.30 часот, во близина на манастирот „Свети Јован“ и целосно го парализираа сообраќајот.

На патот се создадоа долги колони од возила./Е.Н