Државата им даде паричен надомест на Лозарци
Седумдесеттина стечајци, претежно од Лозар ќе добиваат месечен паричен надомест во висина од 7.100 денари. Тие денеска добија позитивни решенија според новиот закон за стечај. Најголем дел од нив се поранешни работници на Агрокомбинатот Велес.
„Ова не е конечната бројка. Решенијата сеуште се изработуваат и очекуваме да ги имаме сеуште позитивни. Сите барања се разгледуваат и доколку лицето ги исполнува сите пет услови сигусно ќе се стекнат со правото на паричен надомест“, рече Валентина Костенова раководител на Центар за вработување Велес.
За еден месец, колку што траеше рокот, во центарот за вработување во Велес поднесени биле над 1000 барања за стечај. Оние кои денеска ги добија за овие решенија чекаа дури и по десетина години.
„После десет години се сетија и на нас, да земеме некој денар и да опстанеме, да можеме малку да живееме“, рече стечаец.
„Јас сум работник од АК Лозар и еве дојде и тој ден кога вистината излезе на виделина и го добивме тоа што го заслуживме“, рече стечаец.
Со новиот закон за материјално обезбедување се опфатени сите работници кои работеле во фирми со доминантен државен капитал и останале без работа од 2000 до 2013 година. Освен овие тие треба да исполнуваат уште еден услов, да имаат најмалку 25 години работен стаж. Освен што ќе земаат месечен надоместок, овие граѓани ќе имаат и здравствено осигурување./Д.С