Двајца граѓани во Велес и двајца во Неготино биле „ноќни шетачи“, во Кавадарци не излегол ниту еден за време на полицискиот час
Објавено: 2 април, 2020, во 14:39 часот
2.04.2020
Само четири граѓани ноќеска не го почитувале полицискиот час и биле надвор од домот. Двајца се од Велес и двајца од Неготино. Нив полицијата ги открила на улица и ги привела во полициските станици во Велес и во Неготино. Против нив ќе бидат поднесени пријави до јавните обвинителства во Велес и во Кавадарци.
Само во Кавадарци немало „ноќни шетачи“.
Исто така се намалува и бројот на лицата што според препораките на министерството за здравство се во самоизолација поради епидемијата на „Ковид 19“.
Денеска во Велес се самоизолирани 57 граѓани, во Неготино 54 граѓани и во Неготино 16 граѓани.
Вкупно 127 граѓани се самоизолирани денеска на подрачјето што го покрива Секторот за внатрешни работи во Велес./У.Ј
