Велешанецот пријавен за оддалечување од домот, настрадал во сообраќајна несреќа на автопат пред Велес
Објавено на 7 декември, 2023 во 17:47
На автопатот ,,Пријателство”, во правец од Скопје кон Велес, денеска околу 14:45 часот на околу 1400 метри после исклучок за езеро Младост, било пронајдено излетано возило од патот, марка „форд фокус” со велешки регистарски ознаки.
Во несреќата, од здобиените повреди починал возачот П.Д.(59) од Велес, кого вчера, 6 декември, неговиот внук го пријавил дека се оддалечил од домот.
Смрт констатирал лекар од Итна медицинска помош Велес, а увид на местото извршиле Јавен обвинител и увидна екипа од СВР Велес.
„По наредба на јавен обвинител телото е предадено на обдукција,“ соопшти Биљана Ѓаковска портпаролката на Сектор за внатрешни работи Велес .
Убавка Јаневска
Поврзано:
