(ФОТО) Навивачката група „Гемиџии“ со палење на факели и на Мало Мовче го одбележа ослободувањето на Велес
Објавено: 11 ноември, 2020, во 21:04 часот
11.11.2020
На Мало мовче ги поставија добро познатите транспаренти со кои од трибините на градски фудбалски стадион „Зоран Паунов“ или во спортската сала “Гемиџии“ постојано ги бодреа спортските клубови и запалија факели во чест на 76 роденден на Велес. Вака годинава членовите на навивачката група „Гемиџии“ одлучија да го одбележат празникот на својот роден град, ослободувањето на Велес. Тие напишаа и инспиративен текст:
„За најсветлата ѕвезда во нашето соѕвездие !
За Велес што до безумство го сакаме и вечно ќе го чуваме ! Овој оган што од срцето ни гори нека посведочи за најсветлата ѕвезда на нашето небо !
Тука сме секогаш и засекогаш !
За тебе граду наш мил !
И во добро и во зло, со тебе се твоите синови, Велешките Гемиџии !
Од 1991
Големото и бестрашно срце на Велес !
За тоа што е наш !
За тоа што го сакаме !
Жив да си ни Вечен да си
Граде наш мил
Единствена вистинска љубов за нас отсекогаш си бил !
9ти XI 1944-9ти XII 2020
76 ГОДИНИ СЛОБОДЕН ВЕЛЕС“, напишаа во фејсбук статусот верните поддржувачи на градскиот спорт, спортските клубови и спортистите.
