(фото) Формирана е прва лига на ветерани во одбојка, велешани со победа ги започнаа натпреварите
![](https://duma.mk/wp-content/uploads/2024/04/437803851_1139841503719713_480516329226425179_n-1024x768.jpg)
За прв пат во историјата на било кој спорт во Македонија формирана е лига за сениори во одбојка. Во неа се вклучени осум екипи од државата, поточно од Велес, Скопје, Гевгелија, Прилеп, две екипи од Струмица и две екипи од Тетово и секоја од нив ќе биде домаќин за време на турнирите.
![](https://duma.mk/wp-content/uploads/2024/04/437944340_1131441384760020_153859469924510100_n-1024x768.jpg)
Одбојкарската лига на ветерани започна претходниот викенд, на 6 април, во Гевгелија каде првиот турнир го одиграа ветераните на велешки ОК „Борец“ со екипата на ОК „Шкендија“ од Тетово. На почетокот на наптреварот велешаните губеле 1:0, со што на крај го добиле натпреварот со резултат 2:1.
![](https://duma.mk/wp-content/uploads/2024/04/438037781_391175337118552_8063450558816961379_n-768x1024.jpg)
Во велешката екипа на ветерани играат Душко Анѓушев, Ѓоре Зафиров, Слободан Марковски –Шуки, Сашко Миланов, Златко Жабев, Ѓоре Арсов, Зоран Јовановски, Зоран Игнов, Горан Јанакиевски, Александар Гулевски, Тодор Стојанов и Марјан Габеров додека тренери им се Љупчо Настов и Јованче Манасков.
-Имам освоено многу титули како тренер и во машка и во женска категорија и во пионери, кадети, младинци меѓутоа сега за прв пат водам и екипа на сениори. Искрено имам огромна чест што ја водам оваа екипа на врвни и легендарни велешки одбојкарски имиња, вели Манасков во изјава за Дума.мк.
![](https://duma.mk/wp-content/uploads/2024/04/435844707_400510812837599_8831383270590643043_n-1024x461.jpg)
Инаку, по натпреварот во Гевгелија за сите екипи учесници од страна на домаќинот бил организиран ручек каде биле присутни околу 70 одбојкари ветерани и врвни одбојкарски имиња како и претседателот и потпретседателот на одбојкарската федерација на Македонија.
![](https://duma.mk/wp-content/uploads/2024/04/437930598_940461231044597_8805768486233722685_n-1024x768.jpg)
Инаку, следниот град во којшто ќе продолжи одбојкарската лига ќе биде дополнително одреден.
Стефани Манева
![](https://duma.mk/wp-content/uploads/2021/05/SEMM.jpg)