Моторциклистот Драган Ванов спортист на Велес за 2020 (ФОТО)

Државниот првак во поединечната конкуренција во ЕНДУРО класа Е-1 до 250 cm3, Драган Ванов го понесе престижното признание спортист на град Велес. Членот на „Мото-Велес“, последователно по трет пат ја освои титулата државен првак со што ја доби „Златната кацига“ награда, која ја доделува мото федерацијата на Македонија за спортист кој три пати последователно се закитил со титулата државен првак.

Велес од секогаш бил домаќин на врвни спортски манифестации а годинава комисијата за избор на спортис на Општина Велес, се реши да награди три од нив. Пливачкиот маратон, Ендуро шампионатот и тениски турнир „Велес Опен“.

Посебни признанија добија здружението на спортски ветерани, навивачката група „Гемиџии“, Панче Ќурчиев за издадениот Алманах слики од спортот во Велес. За најдобар судија е прегласена Клементина Војдиновска од карате клубот „Гладијатор“. Во младинска конкуренција екипно третото место му припадна на кајак кану клуб „Вардар“, второт место е градски одбојкарски клуб „Борец“ и првото место е за карате клубот „Гладијатор“. За најдобар тренер во млади категории прогласен е Димче Стефановски к.к.к „Вардар“ . Во екипно сениори трета е екипата во мал фудбал „Кеги Мобил“, второ место градски одбојкарски клуб „Борец“ и прво место фудбалскиот клуб “Борец“. За прв пат годинава, беше прогласена за екипа на годината но од индивидуалните спортови а тоа е младинскиот велосипедски клуб “Велес“. Тренер на годината во конкуренција на сениори е Петре Жабев од градски одбојкарски клуб „Борец“.

Во младинска конкуренција признанија добија Милан Дончевски ФК „Борец“, Антонио Николов ГОК „Борец“, Христијан Гајдов КК „Борец баскет“, Мартина Арсовска КК „Гладијатор“, Христијан Смилев КК „Бабуна“, Давид Николов ЗСР „Бабуна“, Коце Игнатов КК „Бабуна“, Валерија Крстева КК „Арка Борец“, Кристијан Коцевски РК „Велес 2009“, Катја Зафирова ЖОК „Борец“, Мартин Гогов ФК „Борец јуниор“, Ангелина Босилкова ФК „Борец“, Давид Ристовски МВК „Велес“, Стефан Рибарски ККК „Вардар“, Ердин Зејнелов БК „Борец“, Јована Николова БК „Борец“, Петар Андоновски РК „Бисинов Вардар“. Во конкуренција на сениори признанија добија Кирил Миленков ГРК „Борец“, Љубомир Спасиќ КК арка „Борец“, Ангел Петрушев ККК „Вардар“, Матеј Митев ГОК „Борец“, Суат Карталовиќ КК „Борец баскет“, Никола Саздовски КМФ „Кеги Мобил“, Христијан Ванчевски МВК „Велес“, Христијан Маневски ФК „Превалец“, Ѓроѓи Бановски КК „Гладијатор“, Ана Јавашева ФК „Борец“, Христијан Игнатов КК „Бабуна“, Виктор Ванчевски МВК „Велес“, Трајче Трајков ФК „Борец“.

Манифестацијата е традиционална и се оддржува по 61 во организација на Советот на Општина Велес. Годинава за прв пат поради ковид пандемијата манифестацијата е шест месеци поместена, и наместо на крајот на декември се одржа вечерва во големата сала на Општина Велес.

Лазар Лазаровски