Петта победа на ЖФК „Борец“ на петто гостување
Објавено на 4 декември, 2021 во 18:49
Женскиот фудбалски клуб „Борец“ на гостувањето во Речица ја совлада екипата на ЖФК „Речица“ со резултат 2:0 во натпревар од деветото коло на првата женска фудбалска лига. Стрелци на головите беа Максимовиќ во 11 и Велинова во 30 минута.
Натпреварот помина во отворена игра со напади од двата состави кои имаа свои моменти и шанси за гол.
Велешанки од повеќето создадени шанси искористија две и стигнаа до бодовите со кои остануваат во трката за највисок пласман. Интересно е што сеуште навивачите ја очекуваат првата победа на домашен терен.
Досега фудбалерките на „ Борец“ дома, на градски стадион „Зоран Паунов“, имаат еден пораз и три нерешени средби.
Лазар Лазаровски
