Детали од МВР: Малолетничката од Волково добила струен удар откако се качила на вагон
![](https://duma.mk/wp-content/uploads/2022/11/devojche-zavrshi-na-urgenten-sakajkji-da-snima-tik-tok-video-se-kachila-na-vagon-kaj-madzhari-i-dobila-struen-udar.webp)
Министерството за внатршени работи излезе со детали за малолетничката која со изгореници по грбот и нозете била итно донесена во Ургентниот центар откако добила струен удар од жиците поставени над вагон од воз.
Според информациите, во текот на вчерашниот ден на 27.11.2022 во 13:41 часот во СВР Скопје било пријавено дека на Железничка станица Маџари со повреди од струен удар се здобила 17-годишна малолетничка од с.Волково, скопско.
-Според пријавеното, таа се качила на вагон и притоа дошло до струен удар и се здобила со повреди.
Малолетничката била пренесена во Комплексот клиники „Мајка Тереза“ за укажување лекарска помош, а за настанот бил запознаен Јавен обвинител, соопштија од полицијата.
Девојчето е сместено на одделението КАРИЛ и е во свесна состојба.
Од неофицијални извори до несреќата дошло откако малолетничката се качила на вагонот во обид да сними видео за социјалната мрежа Тик-ток.
Истрагата за несреќата сè уште е во тек.
![](https://duma.mk/wp-content/uploads/2021/05/SEMM.jpg)