Жителите на Талин добија бесплатен јавен превоз!
Објавено на 14 јануари, 2013 во 15:26
Жителите на главниот град на Естонија, Талин имаат бесплатен јавен превоз. Тие без да платат билет ги користат услугите на автобуската и трамвајска градска мрежа а наскоро ќе добијат и нови автобуси, јави Танјуг.
Одлуката ја донел Градскиот совет на Талин и таа покажала резултати бидејќи значително се зголемил бројот на корисници на јавниот превоз за новогодишните празници.
Властите на главниот град на Естонија за таков чекор се одлучиле бидејќи претходно приходите од продажбата на билети покривале само третина од трошоците на јавниот превоз.
Засега Талин е единствен град во Европската унија кој има бесплатен јавен превоз за своите граѓани.