Повредени две пратенички!
Пратеничките Весна Бендевска и Билјана Казанџиска се повредени во парламентот и двете се пренесени во болница поради повредите.
Претседателот на Собранието Трајко Велјановски бил евакуиран .
Пратениците од власта влегле во парламентот од спореден влез. Пратениците на опозицијата кои цела ноќ ја поминаа во Собранието, влегоа во салата, но не дозволуваат да започне седницата. Им довикуваат „Уаа лопови“.
„Изминатиов период гледавме како Груевски го дели народот на сите основи, верници, неверници, антички македонци и историски, го разединува. Не делеа на транзиционери, реформатори. Денеска гледаме како го хушка народот еден против друг. Тоа го правеше и Милошевиќ. Груевски го доби својот 5. октомври“, рече Црвенковски во куса изјава и им се приклучи на протестот пред парламентот на своите подржувачи.
