Тарчуловски се врати во Македонија!

По осум години  поминати во затвор, Јохан Тарчуловски, попладнево се врати во Македонија.

Веднаш по пристигнувањето со владиниот авион на скопскиот аеродром „Александар Велики“ го пречекаa сопругата, неговите деца и премиерот Никола Груевски, како и пријатели и поддржувачи, владини министри, пратеници и граѓани.

„Вашата поддршка иако бев далеку многу  ми значеше. Вашата поддршка ми беше се. Се докажало на времето и се докажува и денеска дека жртвата за Македонија нема цена. Како што ќе рече Гоце Делчев за делото нема почеток и нема крај. Немам зборови да го искажам тоа што го чувствувам денеска,“ рече Тарчуловски на скопскиот аеродром.

Тој имаше средба со премиерот Никола Груевски а предвидено е положи цвеќе пред Споменикот на бранителите кој се наоѓа во близина на Порта Македонија.