Слобода за Кежаровски бара и Мрежата на професионални медиуми од Југоисточна Европа

Кон барањето за итно ослободување на Кежаровски се приклучи  Мрежата на професионални медиуми од Југоисточна Европа (МПМЈЕ). Во мрежата членуваат 17 невладини организации од 12 земји.

-Мрежата на професионални медиуми од Југоисточна Европа е длабоко загрижена за здравствената состојба на македонскиот новинар Томислав Кежаровски кој започна штрајк со глад на 22 Јули, а во притвор е од 28 Мај. МПМЈЕ која обединува 17 медиумски организации од 12 држави бара итно ослободување на Кежаровски, се вели во соопштението.

МПМЈЕ е само една од повеќето интернационални и регионални организации кои бараат ослободување на Кежаровски.