Денес облачно и ветровто
Објавено: 30 јануари, 2020, во 08:32 часот
Времето денеска претпладне ќе биде променливо облачно со локални врнежи кои ќе бидат претежно од снег со послаб интензитет. Попладне облачноста ќе се намалува. Ќе дува умерен, долж Повардарието засилен северозападен ветер.
Минималната температура ќе биде во интервал од минус два до четири степени, а максималната од два до 12 степени.
Следните три дена времето ќе биде сончево со умерена облачност и со слаб до умерен западен ветер.
Минималната температура ќе се движи од минус седум до три степени, а максималната од осум до 14 степени.
