Спасовски: Мојот заменик е казнет и затоа сега носи маска, ЈО ќе одлучи дали има кривично дело
Објавено на 8 јануари, 2021 во 11:53
08.01.2021
Министерот Оливер Спасовски рече дека неговиот заменик Назим Буши е казнет и затоа носи маска, одговарајќи на новинарско прашање за прославата на роденденот на лидерот Али Ахмети во Министерството за политички систем на која се виде дека никој не носи маска.
– Јас ќе одговорам. Тој е казнет и затоа сега носи маска. Да не беше казнет, немаше да носи маска. И казнети се сите тие кои беа на таа маса. Без разлика дали станува збор за функционери или други лица. Тоа покажува дека прописите и законите важат за сите – рече Спасовски.
Тој додаде дека Обвинителството треба да одлучи дали има кривично дело, а најави и вонреден инспекциски надзор.
Мите Јаначков
