Многу топло со висока температура и УВ-индекс

Времето денеска ќе биде сончево и многу топло со мала до умерена локална облачност. Ќе дува умерен, а наместа долж Повардарието повремено засилен ветер од северен правец. Минималната температура ќе се движи во интервал од 16 до 24 степени, а максималната од 30 до 41 степен.

УВ-индексот ќе има многу висока вредност и ќе биде 10.

Во Скопје времето ќе биде сончево и многу топло со умерен, повремено засилен ветер од северен правец.

Според УХМР подрачјето на нашата земја и понатаму ќе биде под влијание на многу топла воздушна маса. Ќе се задржи многу топло време со високи температури, утринските на повеќе места ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност од високи температури.

Дума.мк