МВР: 124 санкционирани возачи на мотоцикли
Објавено на 7 октомври, 2022 во 10:42
Во текот на вчерашниот ден, спроведена е засилена акциска контрола на територијата на Република Северна Македонија за санкционирање на прекршоци што ги прават возачите на мотоцикли, при што санкционирани се 124 возачи.
-Од нив, 82 возачи не користеле заштитна кацига за време на возење, 26 возеле без возачка дозвола, три мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци. При контролата санкционирани се и 159 останати прекршоци, пишува во соопштението на МВР.
Засилените акциски контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
