Нема препораки за нови рестрикции поради делта сојот

Комисијата за заразни болести  на денешниот состанок не препорача нови мерки за заштита од индискиот сој на корона вирусот. Според членовите на комисијата во  земјава ситуацијата со епидемијата е под контрола и нема потреба од препорака за нови меки за заштита на граничните премини и воведување на задолжителен ПЦР тест за влез во земјава.

Во земјава веќе неколку дена е драстично намален бројот на заразени лица, активни со ковид-19  се 151 лице и нема нови починати како последица на коронавирусот.

Индиската мутација на коронавирусот е  веќе раширена во стотина земји во светот. СЗО анализира дека таа брзо се шири во земји и со високо и ниско ниво на имунизирани.