Ниска облачност и магла, од сабота температурата ќе опадне за неколку степени

Времето претпладне во поголем дел од земјава со ниска облачност и слаба магла, а на планините сончево со мала до умерена облачност. Попладне облачноста и маглата ќе се намалат.

Утре ќе биде променливо облачно со умерен, а вдолж Повардарието повремено засилен северен ветер. Попладне, во текот на ноќта и во сабота претпладне ќе има повремени врнежи од дожд, а на повисоките планини повремен снег. Дневната температура ќе опадне за неколку степени.