Од ноќеска нови цени на горивата
Регулаторната комисија за енергетика и водни услуги информира дека е донесена одлука за зголемување на малопродажните цени на нафтените деривати во просек за 0,62 % во однос на Одлуката од 25 мај, година.
-Малопродажните цени бензините ЕУРОСУПЕР БС-95 и ЕУРОСУПЕР БС-98 и малопродажната цена на ЕУРОДИЗЕЛ, се зголемуваат за 0,50 денар/литар, додека малопродажната цена на Екстра лесното масло за домаќинство не се менува, односно останува на исто ниво.
Малопродажната цена на Мазутот М-1 НС се зголемува за 0,262 ден/кг и сега ќе изнесува 33,881 ден/кг.
Во изминатиот седумдневен период сите референтни цени на светските берзи во просек бележат зголемување: бензинот за 1,853 %, дизелот за 1,775 % и екстра лесното масло за 1,822 % и кај мазутот зголемувањето е за 1,395 %.
