После 14 месеци, организирани над 100 свадби во изминатите два дена

Независната угостителска комора денес објави дека по пауза од 14 месеци, во првиот викенд после опуштањето на рестриктивните мерки, биле организирани над 100-тина свадби, односно прослави со посебни протоколи. Тие наведуваат дека се одржуаат свадби и другите веселби и прослави низ Македонија наспроти, како што истакнуваат многуте нелогичности и пропусти во новите протоколи.

Инаку НУК формираше сопствен регистар за свадби, прослави и веселби кој го става на располагање на сите угостители и угостителски објекти како и државни институции, комори, здруженија за да може да се исполнат барањата во точка 7 од протоколите за организирање на свадби, прослави и останати веселби. Во текот на денот од страна на комисијата на НУК ќе биде направена првата физичка проверка и ќе биде издаден официјално првиот сертификат и безбедносен печат SAFE TRAVELS за членките на НУК.