СДСМ денеска ќе ги објави првите 20 кандидати за градоначалници
Објавено на 13 јули, 2021 во 10:14
Првите имиња на кандидати за градоначалници од редовите на СДСМ ќе бидат познати денеска, според претходните најави на раководството на владејачката партија.
Оттаму велат дека партијата претходно вршела истражувања, анкети и анализи за 20-тина општини, а потоа следувале постапки во самите општински организации.
Објавата на првите 20 кандидати се очекува да следува по одржувањето седница на партиското раководство.
Според СДСМ, нивните истражувања покажуваат дека партијата води со 21,7 отсто пред ВМРО-ДПМНЕ со 19 отсто.
Партијата има 562 кандидата за градоначалници и 4.530 кандидати за советници, според она што претходно го кажа генералниот секретар Љупчо Николовски.
