Цртеж на Да Винчи понуден на аукција, се очекува да достигне рекордна цена (ВИДЕО)
![](https://duma.mk/wp-content/uploads/2021/07/davinci.jpg)
Мал цртеж од глава на мечка од Леонардо да Винчи ќе биде понуден на аукција во Лондон денес, и се очекува да биде продаден за 12 милиони фунти (16,7 милиони долари).
Цртежот со димензии 7х7 см, на кој има глава на мечка, е стар повеќе од 500 години.
Продажбата може да ја надмине претходната рекордна продажба што се случи во 2001 година, кога цртежот на Да Винчи „Коњ и јавач“ се продаде за повеќе од 11 милиони долари.
Според аукциската куќа „Кристис“, која е задолжена за продажбата, овој цртеж е меѓу само уште неколку цртежи на италијанскиот ренесансен мајстор, кои сè уште се во приватна сопственост.
Цртежот е нацртан со употреба на техника сребрен молив на розово-беж хартија и е еден од низата цртежи на животни од мал обем на уметникот, датиран од раните 1480-ти.
Летиција Мејсон, експерт за стари цртежи, ја опиша техниката на сребрен молив како „многу тешка техника, бидејќи всушност не признава никакви грешки“.
Мејсон рече дека Леонардо бил фасциниран од природата и животните воопшто.
Скицата претходно му припаѓаше на британскиот сликар и колекционер Томас Лоренс, пред да биде продадена на аукциската куќа „Кристи“ во 1860 година за 2,50 фунти. Сепак, овојпат „Кристис“ предвидува дека ќе се продава за помеѓу 8,0 и 12 милиони фунти.
Леонардо да Винчи, роден во 1452 година и починал во 1519 година, е познат по својата уметност и пронајдоци.
Во 2017 година, 500-годишна слика на Исус Христос, за која се верува дека ја насликал Да Винчи, беше продадена во Њујорк за рекордни 450 милиони долари (341 милиони фунти), што е највисока цена на аукцијата за уметничко дело.
![](https://duma.mk/wp-content/uploads/2021/05/SEMM.jpg)