Њу Делхи вети бесплатен превоз за жените

Главниот град на Индија планира да го направи јавниот превоз бесплатен за жените . Властите се надеваат дека ќе ја подобрат безбедноста на жените во една од најголемите светски метрополитни области со високи стапки на криминал, јави Ројтерс.

– Јавниот транспорт се перцепира како најбезбеден за жените и со оглед на тоа, владата одлучи сите автобуси и метро да станат слободни за жените , соопшти шефот на владата на Делхи Арвинд Кеджривал.

Во главниот град живеат 26 милиони луѓе , речиси половина од нив се жени. Најмногу злосторства против жени во Индија има токму во Делхи, покажува последната статистика на Владата од 2017 година.

Злосторствата на полова основа станаа сериозен политички проблем во Делхи од 2012 година, кога банда силува 23-годишна жена, што пак предизвика многу илјадни протести.

Арвинд Кеџривал појасни дека планот за подобрување на безбедноста на жените ќе биде воведен во рамките на 2-3 месеци и ќе чини 101 милиони долари до крајот на оваа година.

Но опозицијата во главниот град смета дека тоа е само предизборен чин за почетокот на 2020 година, бидејќи во Њу Делхи нема доволно автобуси.

Според експертите, ова не е долгорочно решение за проблемот, бидејќи митрополитската влада не ги исполнува своите ветувања , вклучувајќи ги и безбедносните камери и чуварите на автобусите.