Хороскоп сештологија!

Не им верувате на сопствените инстинкти при изборот на идеалниот подарок или при планирањето на нечија забава? Погледнете кон ѕвездите!

Зодијачките знаци кажуваат многу повеќе отколку што мислиме.

 

Овен

Основни карактеристики – импулсивни луѓе кои сакаат да се забавуваат. Мора да бидат лидери во групата.

Омилени викенд планови – брза и динамична активност како bar hopping (по една пијачка на екс во што повеќе барови) би го задоволила нивниот краток распон на внимание. Брзо им треба промена!

Што имаат во плакарот – светло обоени спортски и секојдневен стилови и многу бејзбол капи. Кај нив тешко ќе најдете смокинзи или свечени тоалети.

Тајно задоволство – сè што ќе ги направи да се почувствуваат први.

Стил на прослава – колку е поголема, толку подобро. Овенот нема да се срами на сите да им потенцира дека тоа е негов и само негов роденден.

Истакнати претставници – Мараја Кери, Алек Болдвин, Сара Џесика Паркер, Конан О’Брајан.

Најподарок – на овенот подарете му нешто што ќе го инспирира да проба нешто ново или што ќе ја задоволи неговата желба за предизвик како ваучер за параглајдинг или за возење тркачка кола. Тие се природни претприемачи, па и дар кој ќе им помогне да го унапредат својот бизнис ќе биде добар избор. Бескрајно енергичниот овен би бил задоволен и со спортска опрема или билет за некој натпревар.

 

Бик

Основни карактеристики – сензуални и практични, биковите сакаат едноставни работи, но сакаат да живеат удобно.

Омилени викенд планови – разгледување на следната голема инвестиција, посета на уметничка галерија или саем.

Што имаат во плакарот – лесни и некомплицирани алишта од удобни ткаенини како кашмир и кадифе.

Тајно задоволство– биковите го ценат добриот живот, обожуваат гурманска храна и постелнина од ексклузивен египетски памук.

Стил на прослава – ќе ја планираат со месеци, пријателите би ги собрале во удобно место со пријатна атмосфера.

Истакнати претставници – Одри Хепберн, Џорџ Клуни, Пенелопе Круз, Боно.

Најподарок – биковите се страсни колекционери. Ако знаете што собираат изборот не треба да претставува проблем. Тие исто така се штедливи – паричник, касичка, па дури и акции од некоја фирма би бил одличен избор. Важно им е и каков е подарокот на допир – треба да биде мек и удобен.

 

Близнаци

Основни карактеристики – зборлести и духовити, близнаците се жедни за знаење, но и за енергичен живот полн со забава.

Омилени викенд планови – читање списанија и разговарање со пријателите.

Што имаат во плакарот – едноставни пери-носи алишта кои одговараат за секоја пригода и ситуација. Жените имаат по една чанта за секоја комбинација.

Тајно задоволство – информации и комуникација. Близнаците секогаш го имаат со себе својот мобилен телефон, па дури и лаптоп.

Стил на прослава – две забави на отворено со многу активности, една голема за сите познаници и една помала за блиските пријатели или за семејството.

Истакнати претставници – Анџелина Џоли, Џони Деп, Натали Портман.

Најподарок – дајте им на близнаците нешто што ќе им помогне да комуницираат подобро или што ќе ја поттикне нивната имагинација. Сакаат различни нешта, па можеби еден куп мали подароци наместо еден голем е вистинскиот избор. И бидејќи близнаците постојано лебдат од една до друга идеја ќе имаат корист од активности за фокусирање на умот, можете да им подарите ваучер за јога или сложувалка.

 

Рак

Основни карактеристики – грижливи и носталгични. Раковите ја ценат традицијата, а семејството секогаш им е во срцето

Омилени викенд планови – подготовка на домашна вечера или правење скара за пријателите и роднините.

Што имаат во плакарот – едноставни и удобни алишта, но и антиквитети, семејни и лични спомени.

Тајно задоволство – храна за утеха како макарони со сирење, палачинки и пита од јаболка.

Стил на прослава – мала домашна забава за блиските пријатели и за семејството со многу фотографирање.

Истакнати претставници – Џесика Симпсон, Џон Кјузак, Мерил Стрип, Том Хенкс.

Најподарок – раковите се многу сентиментални, па треба да им се даде нешто што има лично значење како рамка со слика по ваш избор или рачно изработен лексикон полн со вашите заеднички спомени. Можете да им подарите и нешто за дома што ќе им го разубави станот/куќата.

 

Лав

Основни карактеристики – драма кралеви и кралици, лавовите сакаат да бидат во центарот на вниманието, но тие исто така можат да бидат и дарежливи, со топло срце, и над сите, страсни.

Омилени викенд планови – играње друштвени игри, победување и добивање на аплауз од сите кои се вклучени.

Што имаат во плакарот – бренд имиња, големи торби (колку поголеми, толку подобро) и парчиња со животински принт.

Тајно задоволство – покер со пријателите и казина.

Стил на прослава – огромна прослава на отворено со очите на сите вперени во лавот кој носи круна односно тијара.

Истакнати претставници – Мадона, Арнолд Шварценегер, Марта Стјуарт, Роберт Де Ниро.

Најподарок – лавовите сакаат да бидат третирани како член на кралското семејство и да располагаат со екстравагантни нешта кои се големи и привлекуваат внимание како преголеми торби со истакнато лого на марката, префинет накит и смели принтови и ткаенини. Можете исто така да подарите нешто што ќе ја поттикне нивната игрива страна – друштвена игра или специјален шпил карти.

 

Девица

Основни карактеристики – детални и фокусирани, девиците се во постојана потрага по совршенство и знаење.

Омилени викенд планови – читање книга, прошетка со домашното милениче, планирање на активностите за претстојната недела.

Што имаат во плакарот – супер организиран и ефикасен плакар со класични парчиња прилагодени со повеќе колоритни додатоци.

Тајно задоволство – календари, роковници и сè што ќе им помогне во организација и планирање, уживаат да прават планови за иднината.

Стил на прослава – уреден и организиран настан со добро осмислена декорација и коктели.

Истакнати претставници – Камерон Дијаз, Ленс Армстронг, Бијонсе Ноулс, Адам Сендлер.

Најподарок – колку е попрактичен толку е подобар. Сакаат предмети кои може веднаш да се употребат како нотес во кој ќе ги организираат сите планови и активности или електронски речник за повеќе јазици. Девиците исто така многу внимаваат на своето здравје па ќе уживаат во подарок којшто ќе им помогне да се одржуваат во топ форма.

 

Вага

Основни карактеристики – знак на хармонија и партнерство, вагата е социјална, се стреми кон рамнотежа, а често е и талентирана за уметност.

Омилени викенд планови – посета на свирка, концерт или изложба.

Што имаат во плакарот – впечатливи прстени и накит кај жените, манжетни кај мажите.

Тајно задоволство – го ценат добриот живот, обожуваат гурманска храна и постелнина од ексклузивен египетски памук.

Стил на прослава – било каква којашто ќе ги собере сите нивни блиски на едно место.

Истакнати претставници – Гвинет Палтроу, Вил Смит, Гвен Стефани, Брус Спрингстин.

Најподарок – на вагите не им е битно дали подарокот е скап, но мора биде добро дизајниран и убав. Сакаат да споделуваат искуства со пријателите, па добар подарок е ваучер за часови по дегустација на вино или билети за некој концерт. Екстра поени ќе добиете ако вашиот подарок е избран со причина блиска до нивното срце.

 

Скорпија

Основни карактеристики – мистериозни и љубопитни, скорпиите се родени детективи, но најголемиот дел од својот живот го кријат од другите. Ако копате под нивната површина ќе најдете интензитет, страст и сила.

Омилени викенд планови – прошетки и истражување на непознати предели, откривање на нови места, но не предалеку од домот.

Што имаат во плакарот – функционално распоредено море од темна облека; дамите најверојатно, ќе имаат една тајна фиока со секси долна облека.

Тајно задоволство – нешта кои создаваат мистерија како големи очила за сонце или впечатливи и несекојдневни парфеми и ароматични масла.

Стил на прослава – бидејќи ја ценат приватноста нема да направат голема забава, но очекуваат сите да се сетат на нивниот роденден.

Истакнати претставници – Џулија Робертс, Мартин Скорсезе, Леонардо ди Каприо, Винона Рајдер.

Најподарок – ги чуваат своите тајни, а сакаат да ги откриваат туѓите. Ќе им се допадне нешто што ќе им помага во нивните детективски вештини како двоглед, шпионски роман. Ако скорпијата ја знаете романтично осмелете се да подарите нешто заводливо или подгответе им миризлив бања по која ќе следува сензуална масажа.

 

Стрелец

Основни карактеристики – импулсивен, филозофски и оптимист по природа, стрелецот е секогаш во движење и во постојано размислување.

Омилени викенд планови – непланирано планинарење, прошетка или спортска активност.

Што имаат во плакарот – опрема за спортување и кампување, торби за патување.

Тајно задоволство – практични шеги и задевање на пријателите.

Стил на прослава – тематска забава со многу активности тајно подготвена од нивните пријатели.

Истакнати претставници – Бритни Спирс, Џон Стјуарт, Тајра Бенкс, Бред Пит.

Најподарок – активните стрелци сакаат авантури. Добар избор е возење со балон со топол воздух, спортска опрема или нешто што би им ги олеснило бројните патувања. Исто така, ќе сакаат работи кои го стимулираат умот како филозофска книга или ваучер за часови по јога.

 

Јарец

Основни карактеристики – амбициозни и сигурни, јарците секогаш се трудат да стигнат до врвот, а со нивната совесна и трпелива природа, тоа најверојатно и ќе го направат.

Омилени викенд планови – планирање на следното освојување додека џогираат.

Што имаат во плакарот – класична деловна облека со по некое весело парче.

Тајно задоволство – календари, роковници и сè што ќе им помогне во организација и планирање, уживаат да прават планови за иднината.

Стил на прослава – вечера со семејството и пријателите каде што можете да очекувате јарецот да седи на чело на масата.

Истакнати претставници – Кејт Мос, Тајгер Вудс, Доли Партон, Дејвид Боуви.

Најподарок – сет за пишување или реставрирана семејна фотографија е очигледен погодок, но многу повеќе ќе им се допадне нешто сосема спротивно од нивната природа, нешто што никогаш не би си дозволиле да си го купат сами како секси долна облека, козметички или спа третман.

 

Водолија

Основни карактеристики – ексцентрични индивидуалисти , секогаш во старите работи гледаат нешто ново и корисно. Изненадувачки совесни.

Омилени викенд планови – непланирано патување.

Што имаат во плакарот – каприциозни парчиња, винтиџ алишта и неочекувани комбинации.

Тајно задоволство – електронски уреди и необични нешта.

Истакнати претставници – Опра Винфри, Џастин Тимберлејк, Џенифер Анистон, Џон Траволта.

Стил на прослава – водолијата може една година да има огромна забава со сите пријатели и познаници, а веќе седната мала интимна седенка за најблиските.

Најподарок – мора да биде уникатен и на некој начин необичен. Бидејќи водолиите сакаат и технологија и патување, полн погодок би бил електронски уред којшто може да го понесат со себе. Исто така може да донирате за хуманитарни цели во нивно име.

 

Риби

Основни карактеристики – чувствителни и уметнички души, рибите имаат развиена фантазија.

Омилени викенд планови – релаксирање во спа центар, во природа, но дури и во бар.

Што имаат во плакарот – креативни и специфични парчиња

Тајно задоволство – нови чевли, масажа на стапала и педикир. Дури и мажите, иако ретко кој го признава тоа.

Истакнати претставници – Дру Баримор, Џон Бон Џови, Џесика Биел, Брус Вилис.

Стил на прослава – тивка забава организирана истиот ден кога е роденденот.

Најподарок – понудете им бегство од реалноста со викенд бањско патување, најновиот роман или видео игра. Можете да ја дарувате и нивната креативна страна со музика, поезија или уметничка фотографија. И се разбира нема да погрешите ако им дадете аквариумска рипка или опрема за нуркање. Рибите обожуваат вода!