Успешна кариера или приватен живот – двете не одат заедно!
Објавено: 6 март, 2013, во 12:00 часот
Како да ги ускладиме работата и приватниот живот е прашање кое ги мачи добар дел од вработените, и обично тука настануваат сите брачни проблеми.
Во меѓународно истражување, менаџери и директори на компании искажале голем оптмизам, бидејќи дури 70% изјавиле дека тоа е возможно. Сепак, половина истакнале дека е невозможно истовремено да бидете успешни и на двете полиња.
Истражувањето покажало дека најголем број на вработени се трудат многу да најдат баланс помеѓу приватноста и работата, бидејќи 56% од испитаниците изјавиле дека тоа би било најголем животен успех доколку го постигнат.
Парите, колку и да се битни, сепак ги ставиле на второ место со 46% одговори, а дури половина од испитаниците признале дека во одреден момент би престанале да трчаат по кариерата и би се посветиле на приватниот живот.
Кај нас ситуацијата е веројатно еднаква, единствено во поголем број случаеви тешко е да се направи баланс кога има огромен број на невработени.