ФК „Борец“ есенски првак во Втора лига – Исток
Титулата есенски првак домаќинот „ФК „Борец“ ја стекна во натпреварот што го одигра со ФК „Тиквеш“ од Кавадарци на градскиот стадион во Велес во саботата на 1 декември. Во тврд натпревар со неколку шанси за домаќинот за победата одлучи голот на Мартин Колевски што го постигна во 82 минута од натпреварот.
Со оваа победа ФК „Борец“ се зацврсти на првата позиција на табелата со вкупно 37 или плус 8 бодови пред директниот конкурент ФК „Тиквеш“ од Кавадарци.
Она што треба да се истакне е што натпреварот се одигра во фер и коректна атмосвера за што особено придонесе и навивачката група „Гемиџии“ кои од трибините освен што громогласно извикувајќи и пеејќи постојано ги бодреа своите миленици, фудбалерите, исто така им приредија и пиротехнички спектакал.
Ова беше последниот, заостанат, натпревар од есенскиот дел. Втората полусезона ќе започне во месец март, наредната година./У.Ј