Submit to FacebookSubmit to Google PlusSubmit to TwitterSubmit to LinkedIn

mamut2 fin

Последниот влакнест мамут угина пред повеќе од 4.000 години, но праисториските џинови никогаш не беа заборавени, благодарение на археолозите кои ги пронајдоа нивните остатоци. Мамутите би можеле повторно да се вратат на Земјата, доколку научните експерименти се покажат како успешни.

Научници од Јапонија тврдат дека направиле голем чекор кон оживување на мамутите – изумрен вид на животно кое нема директен потомок. Тие направиле трансплантација на клетки земени од остатоци од мамут и ги ставиле во глушец, а потоа кај глушецот биле забележани позитивни биолошки активности.

Клетките беа земени од 28.000 години стар мумифициран труп на влакнест мамут, наречен Јука, кој беше пронајден на Сибир во 2010 година. Животното, кое умрело кога имало само седум години, е еден од најдобро зачуваните примероци на мамут за кои знаеме дека постојат.

Тимот научници извади примероци од ткива од мускулите и сржта на животното, кои ги опиша како „добро сочувани“. Потоа, тие одвоија клеточни остатоци за потребите на експериментот и ги ставија во матката на женка-глушец со цел да се формира јајце-клетка.

mamut1 fin

Значајните оштетувања на клетките извадени од мамутот придонесоа кон неуспешниот втор чекор од експериментот – практично оплодување на јајце-клетката, но научниците и понатаму се оптимисти дека клетките од ова праисториско животно можат да се реконструираат и регенерираат.

„Имаме долг пат пред нас, но ова претставува значаен исчекор напред во полето на оживување на мамутите. Сакаме да продолжиме со проучување на клетките и остатоците, бидејќи веруваме дека ова откритие може да биде уште поголемо доколку успееме да ги регенерираме клетките“, изјави Кеи Мијамото, главниот автор на истражувањето.

Последната популација на влакнести мамути живеела на Земјата пред 4.000 години, отприлика во истиот период кога се изградени пирамидите во Гиза, Египет. Не постои научно објаснување за изумирањето на мамутите, но постојат податоци дека климата на Земјата едноставно не била на нивна страна, покрај тоа што тие постојано биле мета на ловци од човечкиот род.

Web banner Duma Izvorska Izvor na 300x250px 01

Screenshot 2

52407849 472689196598964 4414210414364065792 n

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

15 (петнаесет) Оператори во производство

 

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:                                  ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 15/03/2019 година.